اسلام آباد(نیوز ڈیسک )اسلام آباد ہائیکورٹ نے پانامہ لیکس کے معاملے پر وزیراعظم سے استعفیٰ لینے کی درخواست پر رجسٹرار آفس کے اعتراضات برقرار رکھتے ہوئے خارج کر دی ۔ بدھ کو عدالت عالیہ کے جسٹس عامر فاروق نے وزیراعظم سے ریفرنڈم کے ذریعے استعفیٰ لینے کی درخواست پر سماعت کی درخواست ایک شہری فیصر جدون نے ایڈوکیٹ سیف اللہ سروہی کے ذریعے دائر کی تھی ۔ درخواست گزارکے وکیل نے موقف اختیار کیا کہ پانامہ لیکس میں وزیراعظم نوازشریف کے بیٹوں اور دیگر کا نام آیا ہے آف شور کمپنیوں کے مالکان کے خلاف انکوائری کرانے کا حکم دیا جائے، درخواست میں فیڈریشن آف پاکستان بذریعہ سیکرٹری کیبنٹ کو فریق بنایا گیا ہے، عدالت نے درخواست گزار کے متاثرہ شہری نہ ہونے پر خارج کر دی ۔