اسلام آباد (نیوز ڈیسک )قائد حزب اختلاف خورشید شاہ نے وزیراعظم نوازشریف کو خط لکھ دیا۔ خط کے متن میں ملک میں کسانوں کے مسائل حل کرنے کی ضرورت پر زور دیا گیا ہے۔قومی اسمبلی میں قائد حزب اختلاف خورشید شاہ کی جانب سے وزیراعظم نوازشریف کو لکھے گئے خط میں مطالبہ کیا گیا ہے کہ چوبیس فروری دوہزار سولہ کو اسلام آباد میں ہونے والی کل جماعتی کسان کانفرنس کے اعلامیے کی روشنی میں کسانوں کے مسائل حل کئے جائیں۔ذرائع کے مطابق خط کے متن میں حکومت سے مطالبہ کیا گیا ہے کہ زراعت کے شعبہ کی بحالی کے لئے ہنگامی بنیادوں پر اقدامات کئے جائیں، جبکہ خط میں زرعی مصنوعات کی برآمدات پر ڈیوٹی ختم کرنے، ٹیکسوں میں چھوٹ دینے سمیت دیگر اصلاحات نافذ کرنے کا مطالبہ بھی کیا گیا ہے۔