راجن پور(نیوز ڈیسک)راجن پور کے علاقے کچہ میںچھوٹو گینگ کے خلاف آپریشن 21ویں روز میں داخل ،پاک فوج نے گھیرا مزید تنگ کر دیا ہے۔ تفصیلات کے مطابق دو روز قبل ہی پاک فوج کے دستوں نے راجن پور میں اپنی پوزیشنز سنبھال لی تھیں۔ تاہم اب اس گینگ کے خلاف گھیرا مزید تنگ کر دیا گیا ہے۔ گذشتہ رات سے ہی پاک فوج نے چھوٹو گینگ کو مہیا کی جانے والی اشیائے کوردونوش کی سپلائی مکمل طور پر بند کر دی ہے ، جبکہ قریبی اسپتالوں میں وارڈز کو خالی کروا کر ایمرجنسی نافذ کر دی گئی ہے۔اسپتالوں میں ڈاکٹرز اور پیرامیڈیکل اسٹاف کی چھٹیاں بھی ایمرجنسی صورتحال کے پیش نظر منسوخ کر دی گئی ہیں۔ ذرائع کے مطابق اس تمام تر صورتحال کو دیکھتے ہوئے امکان ظاہر کیا جا رہا ہے کہ چھوٹو گینگ کے خلاف کسی بھی لمحے شروع کیا جا سکتا ہے۔ جبکہ پاک فوج کی کوشش ہے کہ چھوٹو گینگ کے پاس مغوی پولیس اہلکاروں کو با حفاظت بازیاب کروالیا جائے۔