اسلام آباد (نیوز ڈیسک) ترجمان وزارتِ داخلہ نے کہاہے کہ وزیرِداخلہ کے دورۂ جرمنی کے حوالے سے میڈیا کے بعض حلقوں میں آنے والی رپورٹس صریحاً جھوٹ، من گھڑت اور مضحکہ خیز ہیں۔جمعہ کوجاری ایک بیان کے مطابق عادتاً ایسی جھوٹی خبریں پھیلانے والے عناصر کے پیش نظرہی وزیرِداخلہ نے اعلانیہ طور پر اپنے دورۂ جرمنی اور اسکی وجوہات سے سب کو آگاہ کیا تھا۔بیان کے مطابق اس بات کو دہرایا جا تا ہے کہ وزیرِداخلہ اپنی فیملی کے علاج کے لئے جرمنی گئے ہیں۔غیر ضروری اور بلاجواز قیاس آرائیاں کرنے والوں کو اخلاق اور شائستگی کا مظاہرہ کرنا چاہیے کہ وہ وزیرِداخلہ کی نجی مصروفیات کا احترام کریں ۔