اسلام آباد(نیوز ڈیسک )سینیٹر اعتزاز احسن کا کہنا ہے کہ مجھے چوہدری نثار پر ترس آ رہا ہے، لگتا ہے کہ میں چوہدری نثار کے اعصاب پر سوار ہوگیا ہوں،اعتزاز کا کہنا تھا کہ وزیر داخلہ تو نواز شریف کو پھنسا رہے ہیں۔نجی ٹی وی سے خصوصی گفتگو میں سینیٹر اعتزاز احسن کا کہنا تھا کہ مجھے وزیر داخلہ سے ہمدردی ہوتی جارہی ہے، اعتزازاحسن کا کہنا تھا کہ میں نے وزیر داخلہ کی پریس کانفرنس نہیں سنی لیکن فون آ رہے ہیں کہ چوہدری صاحب نے میرے خلاف کافی سخت الفاظ استعمال کیے ہیں اور پریس کانفرنس کا زیادہ حصہ میرے متعلق تھا۔
اعتزاز احسن کا کہنا تھا کہ مجھے چوہدری نثار پر ترس آ رہا ہے، لگتا ہے کہ میں چوہدری نثار کے اعصاب پر سوار ہوگیا ہوں۔ وزیراعظم کے میے فیئر فلیٹ سے متعلق سوال کا جواب دیتے ہوئے اعتزاز کا کہنا تھا کہ حسین نواز نے تسلیم کیا ہے کہ جائیداد بھائی اور بہن کی ہے، وزیر داخلہ تو نواز شریف کو پھنسا رہے ہیں، پاناما پیپرز چوہدری نثار سے متعلق ہوتے تو ان کا نام ضرور لیتا، وزیر داخلہ نے تسلیم کیا نواز شریف کا مےفیئر میں فلیٹ ہے۔