لا ہور(نیوز ڈیسک )ن لیگ کا عمران خان کے مطالبات پرسخت موقف اپنانے کا فیصلہ کر لیا ہے۔وزیراعظم نے موجودہ صورتحال پردورہ کراچی ملتوی کرتے ہوئےآج پارٹی رہنماؤں کامشاورتی اجلاس طلب کرلیا۔چیئرمین تحریک انصاف عمران خان کےوزیراعظم سےاستعفےاور جوڈیشل کمیشن کےقیام کےمطالبے کےبعدمسلم لیگ (ن) کی قیادت سرجوڑ نےپرمجبورہوگئی۔مسلم لیگ ن نے عمران خان کے مطالبات کے حوالے سے سخت رویہ اپنانے اورپارٹی موقف پر ڈٹے رہنے پر اتفاق کرلیا۔حکمران جماعتپانامہ لیکس معاملے پراتحادیوں اوردیگر سیاسی جماعتوں کواعتماد میں بھی لےگی۔وزیراعظم نواز شریف نے دورہ کراچی منسوخ کرتے ہوئے آج اسلام آباد میں پارٹی رہنماؤں کا مشاورتی اجلاس طلب کرلیا ہے۔ جس میں آئندہ کا لائحہ عمل باہمی مشاورت سے طے کیا جائے گا۔