اسلام آباد(نیوزڈیسک)وزیر اعظم نوازشریف کے صاحبزادے حسین نواز نے کہا ہے کہ عمران خان نواز شریف کے چھپے ہوئے اثاثے سامنے لائیں ۔نجی ٹی وی چینل سے گفتگو کرتے ہوئے حسین نواز نے کہا کہ ہم نے کوئی غیر قانونی کام نہیں کیا ،نہ کوئی آف شور جائیداد چھپائی ہے اور نہ چھپانے کی ضرورت ہے ۔آف شور کمپنی کا مقصد قانونی طور پر غیر ضروری ٹیکس سے بچنا ہے ۔ انہوں نے کہا کہ 1992 میں ملک چھوڑ دیا تھا طویل عرصے سے پاکستان میں نہیں ہوں ، 180 دن سے زیادہ پاکستان سے باہر رہنے والوں کو ٹیکس کے گوشوارے جمع کرانے کی ضرورت نہیں ۔ان کا یہ بھی کہنا تھاکہ کیا کسی الزام لگانے والے نے پاکستان کا ٹیکس قانون بھی پڑھا ہے ؟، کمپنیاں مریم نواز زکے نام پر ایک ٹرسٹ کے تحت حاصل کی گئیں ، ٹرسٹ قائم کرنے کا مقصد شرعی طریقے سے جائیداد کی صحیح تقسیم کرنا تھا ۔