اسلام آباد(نیوز ڈیسک)وفاقی وزیرداخلہ نے اپنی پریس کانفرنس میں پاکستان کرکٹ پر بات کرتے ہوئے ایشیاکپ اورورلڈ ٹی ٹوئنٹی میں ٹیم کی شکست کی رپورٹس لیک ہونے پر کمیٹی بنانے اور تحقیقات کرانے کا عندیہ دے دیا۔اسلام آباد میں نیوز کانفرنس کے دوران چوہدری نثار کا کہنا تھا کہ کرکٹ کے حوالے سے جوکچھ ہورہا ہے اس پر دکھ ہوا کوچز کی رپورٹس لیک کرنے پرافسوس ہے۔ کرکٹ کو بھی سیاست کی بھینٹ چڑھایا جارہا ہے۔ وزیراعظم سے درخواست کروں گا کہ کمیٹی بنائیں اور رپورٹس لیک کرنے کی تحقیقات کرائی جائیں۔چوہدری نثار نے کہا کہ شاہد آفریدی اور وقاریونس کی پاکستان کرکٹ میں عظیم خدمات ہیں، کل سب آفریدی کے نعرے لگارہے تھے،آج سب تنقید کررہے ہیں۔وزیرداخلہ نے مزید کہا کہ اسپورٹس مین اسپرٹ کا مظاہرہ کرتے ہوئے تنقید کے ساتھ کھلاڑیوں کی ماضی میں پیش کی گئی اچھی کارکردگی کو بھی یاد رکھناچاہیے۔