لاہور ( نیوز ڈیسک) سابق گورنر پنجاب سلمان تاثیر کے بیٹے شہباز تاثیر نے کہا ہے کہ جس طرح وہ اپنے گھر واپس آئے ہیں بلکل اسی طرح اب حیدر گیلانی کو بھی اس کے گھر واپس لانا ہے، دعاﺅں کا سلسلہ جاری رکھیں ۔ اپنے ٹویٹر پیغام میں انکا کہنا تھا کہ آپ سب کی دعائیں مجھے واپس اپنے گھر لےکر آئی ہیں ،فیملی اوردنیا بھرمیں ہزاروں لوگوں نے میرے لیے ہرجمعہ کو دعائیں کیں جن کا شکر گزار ہوں۔انہوں نے کہا کہ میرے دوست حیدر گیلانی کو بھی گھر واپس لانا ہے۔عوام سے اپیل کرتا ہوں کہ میرے دوست حیدر گیلانی کےلئے دعاﺅں کا سلسلہ جاری رکھیں۔ واضح رہے کہ سابق گورنر شہباز تاثیر کے بیٹے شہباز تاثیر کو بھی اغواءکیا گیا تھا اور انہیں چند روز قبل ہی ساڑھے چار سال بعد بازیاب کروایا گیا ہے ۔