اسلام آباد(نیوز ڈیسک) کراچی میں پریس کانفرنس کرتے ہوئے مصطفیٰ کمال نے کہاہے کہ ایک وقت ایسا بھی آ گیاتھاکہ رحمان ملک متحدہ قومی موومنٹ کی پریس لکھواتے تھے۔پریس کانفرنس سے خطاب کرتے ہوئے مصطفیٰ کا کہناتھا کہ پہلے رات کو موڈ آف ہوتا تھا کثرت شراب نوشی کی وجہ سے اب دن اور رات میں کوئی فرق نہیں رہ گیا اور ہفتوں اور ہفتوں کا سرکل ختم ہی نہیں ہوتا۔ الطاف حسین کیلئے لوگوں نے اپنی نسلیں تباہ کر دیں، جس پارٹی کے لیڈر نے پانچ سالوں تک اپنی من مانی کی ہو وہ کیسے کسی کی مان سکتا ہے؟ ایک وقت تو یہ بھی آ گیا تھا کہ ایم کیو ایم کی پریس ریلیز رحمان ملک لکھواتے تھے اور ہم سوچتے تھے کہ یہ کیا ہو رہا ہے۔