اسلام آباد (نیوز ڈیسک) کراچی میں مصطفیٰ کمال نے اپنی کانفرس میں کہاہے کہ متحدہ قومی موومنٹ کا مسلح ونگ پاکستان سے نہیں چلایاجاتا بلکہ اس کے تانے بانے کہیں اور ہیں ۔پریس کانفرنس سے خطاب کرتے ہوئے مصطفیٰ کمال کا کہناتھا کہ ایم کیوایم کے مسلح ونگ چلانے والا پاکستان میں نہیں رہتاہے بلکہ یہ عسکری ونگ ملک کے باہر سے چلایا جاتاہے۔
انہوں نے کہا کہ حکومت اور اسٹیبلمشنٹ جانتی ہے کہ ایم کیو ایم کے قائد الطاف حسین کے بھارت کی خفیہ ایجنسی راءسے تعلقات ہیں،عمران فاروق کی شہادت کے بعد سکاٹ لینڈ یارڈ نے تفتیش شروع کی ،قائد ایم کیو ایم کے گھر سے ٹرک بھر کر ڈاکو مینٹس لے کر گئے ، سکاٹ لینڈ یارڈ کو 20سال کا سارا کچاچٹھا بتا دیا گیا ، پارٹی 20سال سے را سے فنڈنگ لے رہی تھی۔