اسلام آباد ( نیوزڈیسک) کراچی کے سابق ضلع ناظم مصطفی کمال اور ایم کیو ایم کے سابق ڈپٹی کنونیئر انیس قائم خانی کی پریس کانفرنس کے بعد کراچی میں ہنگامی صورتحال پیدا ہو گئی ہے ،شہر کے حالات قابو میں رکھنے کے لیے رینجرز اور سیکیورٹی ادارے حرکت میں آگئے ہیں۔میڈ یا رپورٹس کے مطابق رینجرز نے ایم کیو ایم کے مرکز نائن زیرو کے اطراف میں گشت شروع کردیا ہے۔سیکیورٹی ذرائع کا کہنا ہے کہ شہر کی سیکیورٹی صورتحال کو قابو میں رکھنے کے لیے انتظامات کیے گئے ہیں اور سیکیورٹی فورسز کی شہر کے مختلف علاقوں میںگشت جاری ہے۔