اسلام آباد(نیوز ڈیسک)افغانستان کے سفیر ڈاکٹر محمد عمر زاخیل نے کہا ہے کہ ملا فضل اللہ جس علاقے میں ہے وہاں حکومت کا کنٹرول نہیں ہے۔نجی ٹی وی کے مطابق افغان سفیر ڈاکٹر عمر زاخیل وال نے پشاور میں مہاجرین سے خطاب کیا انہوں نے کہا کہ افغان مصالحتی عمل شروع ہوا تو مثبت نتائج سامنے آئینگے ۔ملا فضل اللہ جس علاقے میں ہے وہاں افغان حکومت کا کنٹرول نہیں ہے ۔پاکستان اور افغانستان میں بداعتمادی کی فضا جلد دور ہوگئی ہے ۔دونوں جانب سے کچھ عناصر امن نہیں چاہتے ۔انہوں نے افغان مہاجرین کی میزبانی پر پاکستان کا شکریہ ادا کیا۔