لاہور(نیوز ڈیسک) لاہور کی یسریٰ بی بی نے شوہر کے خلاف مار پیٹ کا مقدمہ درج کرا دیا۔ تھانہ گرین ٹاون نے تشدد کا مقدمہ درج کر کے شوہر طیب کو گرفتار کر لیا۔ تفصیلات کے مطا بق لاہور کے علاقے گرین ٹاون کی یسریٰ بی بی نشے کے عادی شوہر کے تشدد کا نشانہ بن کر تھک چکی تھی۔ یسریٰ بی بی نے بیٹے کو ساتھ لیا اور مقدمہ درج کرانے تھانے پہنچ گئی۔ یسریٰ کا کہنا ہے گھر کا خرچہ مانگنے پر شوہر تشدد کا نشانہ بناتا ہے۔ تھانہ گرین ٹاو¿ن نے یسریٰ بی بی کی درخواست پر زیر دفعہ 354 مقدمہ درج کر کے شوہر کو گرفتار کر لیا ہے۔ پولیس حکام کا کہنا ہے یسرا بی بی کے شوہر طیب کو تشدد اور دھمکیاں دینے کے الزام میں گرفتار کیا گیا ہے۔ یسریٰ بی بی کو امید ہے کہ اسے انصاف ملے گا۔