اسلام آباد (نیوز ڈیسک) سابق صدر پرویز مشرف کے خلاف سنگین غداری کیس کی تحقیقات کرنے والی ایف آئی اے کمیٹی کا آج ( سوموار ) کو اجلاس ہو گا اجلاس میں سابق وزیر اعظم شوکت عزیز کو شامل تفتیش کرنے کے حوالے سے فیصلہ کیا جائے گا ۔ آن لائن کو ایف آئی اے ذرائع سے معلوم ہوا ہے کہ ایڈیشنل ڈی جی واجد ضیاءکی سربراہی میں آج ایک اہم اجلاس منعقد ہو گا جس میں سابق وزیر اعظم شوکت عزیز کو شامل تفتیش کرنے یا نہ کرنے کے حوالے سے فیصلہ کیا جائے گا ۔ ذرائع نے بتایا کہ اجلاس میں سپریم کورٹ کے فیصلہ کی روشنی میں سابق چیف جسٹس عبدالحمید ڈوگر ، سابق وزیر قانون زاہد حامد کے بارے میں بھی غور کیا جائے گا ۔