لاہور (نیوزڈیسک)پنجاب کے وزیراعلیٰ محمد شہباز شریف نے بھارت کے ساتھ ایشیا کپ کے سب سے بڑے مقابلے میں قومی کرکٹ ٹیم کیلئے نیک خواہشات کا اظہار کیاہے اورکہاہے کہ پوری قوم کی طرح ان کی نیک خواہشات اور دعائیں بھی قومی ٹیم کے ساتھ ہیں۔ وزیراعلیٰ پنجاب نے کہاکہ پاکستان کی کرکٹ ٹیم ایشیا کپ ٹی ٹوئنٹی کے پہلے میچ میں روایتی حریف بھارت کو شکست دینے کی بھرپور صلاحیت رکھتی ہے،ان کاکہناتھاکہ جیت کے لئے قومی کرکٹ ٹیم کے کھلاڑیوں کو محنت اور جذبے سے کھیلنا ہوگا ،ان کا ایمان ہے کہ محنت، دیانت اورعزم کسی بھی کام میں کامیابی کی ضمانت ہے