اسلام آباد(نیوز ڈیسک) تحریک انصاف کے رہنما عبدالعلیم خان نے این اے 122 کے ضمنی الیکشن پر الیکشن ٹربیونل کا فیصلہ سپریم کورٹ میں چیلنج کردیا ہے۔عبدالعلیم خان کی جانب سے دائر کی گئی درخواست میں چیف الیکشن کمشنر اور سپیکر قومی اسمبلی سردار ایاز صاد ق کو فریق بنایا گیا ہے۔ درخواست میں کہا گیا ہے کہ این اے 122 لاہور کا الیکشن شفاف انداز میں نہیں ہوا ضمنی الیکشن کے دوران ہزاروں ووٹوں کو حلقے سے باہر منتقل کیا گیاایاز صاد ق کا منتخب ہونا عوامی مینڈیٹ کی عکاسی نہیں ہے وہ عام انتخابات میں دھاندلی پر ڈی سیٹ ہوچکے ہیں لہٰذا این اے 122 کا ضمنی الیکشن کالعدم قرار دے کر دوبارہ ووٹنگ کرائی جائے۔