نئی دہلی / پٹھانکوٹ(نیوز ڈیسک)بھارتی حکومت نے پٹھانکوٹ ائیربیس پر گزشتہ ڈیڑھ سال سے تعینات اور حملے کے دوران ائیر بیس کے موجود سربراہ ائیر کموڈور جے ایس داھمون کو عہدے سے ہٹاتے ہوئے نئی د ہلی بھیج دیا جبکہ انکی جگہ ائیرکموڈور انوج مشرا کو پٹھانکوٹ ائیربیس کا نیا سربراہ تعینات کیا جارہا ہے ،تجزیہ کاروں کے مطابق ایسا اقدام ائیربیس پرحملے کے دوران غفلت کے ارتکاب اور انکے جاری تحقیقات پر اثر انداز ہونے سے بچنے کیلئے اٹھایا گیاہے۔ہفتہ کوبھارتی میڈیاکے مطابق گزشتہ ماہ دہشتگردوںکے حملے کا نشانہ بننے والے پٹھانکوٹ ائیربیس کے ائیر کموڈور جے ایس داھمون کا نئی دہلی میں تبادلہ کردیا گیا ہے ۔بھارتی ائیرفورس کے حکام کاکہنا ہے کہ ئیر کموڈور جے ایس داھمون کا دارالحکومت میں تبادلہ معمول کی کاروائی ہے ۔جے ایس داھمون ائیرآفیسر کمانڈنگ نے جولائی 2014 میں پٹھان کوٹ ائیربیس کا چارج سنبھالا تھا انکی جگہ بنگلو ر سے تعلق رکھنے والے ائیرکموڈور انوج مشرا کو پٹھانکوٹ ائیربیس میں تعینات کیے جانے کاامکان ہے ۔واضح رہے کہ پٹھانکوٹ ائیر بیس پر حملے کے بعد تحقیقات جاری ہیں جبکہ تمام بڑے اڈوں میں سیکورٹی آڈٹ بھی کرائے جارہے ہیں۔تجزیہ کاروں کے مطابق ایسا اقدام ائیربیس پرحملے کے دوران غفلت کے ارتکاب اور انکے جاری تحقیقات پر اثر انداز ہونے سے بچنے کیلئے اٹھایا گیاہے ۔واضح رہے کہ پٹھانکوٹ ائیر بیس پر مسلح افرادکے حملے میں 7 فوجی مارے گئے تھے ۔