اسلام آباد (نیوز ڈیسک)وفاقی وزیر ترقی و منصوبہ بندی احسن اقبال نے کہا ہے کہ کے ٹی بندرگاہ کی تعمیر و ترقی کو سی پیک منصوبے میں شامل کرنے سے متعلق چین سے بات ہو گی۔ سینیٹر مشاہد حسین کی زیر صدارت پاک چین اقتصادی راہداری پارلیمانی کمیٹی کا ان کیمرا اجلاس ہوا جس میں سندھ کے سینئر وزیر مراد علی شاہ نے کے ٹی بندرگاہ کو سی پک منصوبے میں شامل کرنے سے متعلق بریفنگ دی۔ذرائع کے مطابق احسن اقبال نے کہا کہ سندھ حکومت کو منصوبے کی فزیبلٹی رپورٹ کا کہہ دیا ہے ٗ چین سے کے ٹی بندرگاہ کی تعمیر و ترقی کو سی پیک منصوبے میں شامل کرنے سے متعلق بات ہو گی، یہ ایک باہمی منصوبہ ہے اس لئے چین اس تجویز کو ٹیک اپ کرے گا۔ ان کا کہنا تھا کہ سی پیک کے پہلے مرحلے میں توانائی، گوادر اور قراقرم ہائی وے کے منصوبے مکمل کئے جائیں گے۔