اسلام آباد (نیوز ڈیسک)سابق وزیر داخلہ سینیٹر رحمن ملک نے کہا ہے کہ امید ہے وزیر اعظم نواز شریف نیب سے متعلق اپنے بیان کی وضاحت خود کرینگے ٗ ہم اقتدار میں تھے تو عدالتوں کا سامنا کرتے رہے ہیں ٗ آئندہ بھی کسی کیس میں عدالت نے بلایا تو پیش ہو جائینگے ۔میڈیا سے گفتگو کرتے ہوئے رحمن ملک نے کہاکہ جب ہم اقتدار میں تھے تو عدالتوں کا سامنا کرتے رہے اور کئی کیسز میں بری ہوئے ہیں ہمارے اوپر ہمیشہ جھوٹے کیسز بنائے جاتے ہیں آئندہ بھی کسی کیس میں عدالت نے بلایا تو پیش ہو جائینگے ۔ایک اور سوال کے جواب میں انہوں نے کہاکہ امید ہے کہ نیب سے متعلق نواز شریف اپنے بیان کی وضاحت خود کر دیں گے۔