اسلام آباد(نیوزڈیسک)وزیراعظم نوازشریف کے خلاف اختیارات کے ناجائز استعمال اور رائیونڈ فارم ہاؤس تک سڑک کی تعمیر سے متعلق نیب کی انکوائریاں31مارچ کو مکمل ہوجائیں گی۔منگل کو نجی ٹی وی کے مطابق وزیراعظم کے خلاف نیب میں2امور میں انکوائریاں تکمیل کے قریب ہیں،وزیراعظم کے خلاف ایف آئی اے میں غیرقانونی بھرتیوں و اخیتارات کے ناجائز استعمال اور رائیونڈ فارم ہاؤس تک سڑک کی تعمیر کی انکوائری جاری ہیں،رائیونڈ فارم ہاؤس تک سڑک کی تعمیر سے قومی خزانے کو12کروڑ60لاکھ کا نقصان پہنچا،کیس کی انکوائری17اپریل2000میں شروع ہوئی،جبکہ اختیارات کے ناجائز استعمال سے متعلق انکوائری18دسمبر1989میں شروع ہوئی جو اب تک مکمل نہیں ہوسکی۔نیب کی ویب سائٹ کے مطابق دونوں انکوائریاں31مارچ تک مکمل ہوجائیں گی،واضح رہے کہ وزیراعظم کے خلاف یہ دونوں انکوائریاں150 میگا کرپشن سکینڈل کی لسٹ میں شامل ہیں۔