اسلام آباد(نیوزڈیسک)وزیر دفاع خواجہ آصف نے کہا ہے کہ آرمی چیف جنرل راحیل شریف کی مدت ملازمت میں توسیع کیلئے وزارت دفاع سے کوئی فائل وزیراعظم ہاﺅس نہیں بھیجی۔ ایک نجی ٹی وی سے گفتگوکرتے ہوئے وزیردفاع خواجہ آصف کا کہنا تھا کہ آرمی چیف کی مدت ملازمت میں توسیع کا معاملہ حکومت میں کسی سطح پر زیرغور نہیں،جنرل راحیل شریف کی مدت ملازمت میں توسیع کا معاملہ کچھ مفاد پرست عناصر نے میڈیا میں اچھالا۔ خواجہ آصف کا کہنا تھا کہ اے پی ایس اور چارسدہ یونیورسٹی واقعے پر جوڈیشل کمیشن بنانے کے خورشید شاہ کے مطالبے کی تائید کرتا ہوں۔