راولپنڈی(نیوز ڈیسک) جنرل راحیل شریف نے ایرانی وزیر دفاع سے ون آن ون ملاقات کی۔ آئی ایس پی آر کے مطابق ملاقات میں خطے کی سکیورٹی سمیت مختلف علاقائی امور پر تبادلہ خیال کیا گیا۔ آرمی چیف نے کہا کہ پاکستان ایران کے ساتھ بردارانہ تعلقات چاہتا ہے۔ دہشت گردی دنیا کا بڑا مسئلہ ہے ، دہشتگرد ی خطے میں بڑے مسائل کو جنم دے سکتی ہے۔ آرمی چیف جنرل راحیل شریف کا کہنا تھا کہ برادر اسلامی ملک ایران کی بڑی اہمیت ہے، ایران پاکستان کا بہت اہم پڑوسی ملک ہے ۔دہشتگردی سے خطے میں عدم استحکام پیدا ہو سکتا ہے۔ آئی ایس پی آر نے مزید بتایا کہ ایرانی وزیر دفاع نے ملاقات میں خطے میں امن کے قیام کے لیے پاکستان کی کوششوں کو سراہا۔