اسلام آباد(مانیٹرنگ ڈیسک)وزیراعظم نوازشریف کے بڑے صاحبزادے حسین نوازشریف نے کہا ہے کہ ان کا یا ان کے خاندان کا بھارت میں کوئی کاروبار ہے نہ بھارت سے باہر کسی بھارتی صنعت کارکے ساتھ پارٹنر شپ ہے۔جیونیوز کے پروگرام کیپٹل ٹاک میں سینئر صحافی حامدمیر کو اپنی زندگی کا پہلا ٹی وی انٹرویو دیتے ہوئے حسین نوازشریف نے اعتراف کیا کہ ان کے سعودی عرب کے ساتھ کاروباری مراسم ہیں لیکن یہ مراسم حکومت پاکستان کی پالیسی پراثرانداز نہیں ہوتے۔انہوں نے کہا کہ گذشتہ سال 25 دسمبر کو نریندرمودی کی رائے ونڈ آمد کے موقع پر وہاں بھارتی صنعت کار ساجن جندل موجود نہیں تھے۔حسین نواز نے عمران خان کے الزامات کے جواب میں کہا کہ انہوں نے سعودی عرب میں کمائی گئی رقم سے برطانیہ میں جائیداد خریدی۔