اوا گاڈو(نیو ز ڈیسک) مغربی افریقہ کے ملک برکینا فاسو کے دارلحکومت اواگاڈو کے ہوٹل پر حملے میں 20افراد ہلاک اور کئی زخمی ہو گئے ہیں‘ حملہ آوروں نے کئی افراد کو یر غمال بھی بنا رکھا ہے۔ غیر ملکی خبر ایجنسی کے مطابق ہوٹل میں زیادہ تر غیر ملکی شہری قیام کرتے ہیں۔ رات گئے ہونے والے حملے کے بعد سیکیورٹی فورسز نے ہوٹل کو خالی کروانے کے لیے آپریشن شروووع کر دیا ہے۔ برکینا فاسو کے وزیر خارجہ ایلفا بیری نے مسلح حملے میں ہلاکتوں کی تصدیق کی ہے۔ ایک تنظیم کی جانب سے اس حملے کی ذمہ داری قبول کیے جانے کی بھی اطلاعااات ہیں۔ ہسپتال انتظامیہ کے مطابق 20افراد ہلاک ہیں اور زخمیوں کی تعداد 15سے زائد بتائی ہے۔ عینی شاہدین کا کہنا ہے کہ مقامی وقت کے مطابق شام ساڑھے 7بچے ہوٹل کے باہر 2کار بم دھماکے ہوئے تھے اور ہوٹل میں 3سے 4نقاب پوش افراد نے حملہ کیا تھا۔