گوادر (نیوز ڈیسک)راحیل شریف نے کہا ہے کہ دہشتگردی اور کرپشن کا گٹھ جوڑ توڑ دینگے ، پاک فوج کے شعبہ تعلقات عامہ یعنی آئی ایس پی آر کے مطابق جنرل راحیل شریف جمعے کی دوپہر صوبہ بلوچستان پہنچے اور بعدازاں انہوں نے تالار اور تربت کا دورہ کیا ۔ آئی ایس پی آر نے بتایا ہے کہ جنرل راحیل شریف نے اپنے دوروں کے موقع پر قبائلی عمائدین سے بھی ملاقات کی ۔ اس موقع پر آرمی چیف کا کہنا تھا کہ پاک فوج قوم کی حمایت سے دہشتگردی کا خاتمہ کردے گی ، قوم کے تعاون سے انصاف اور امن کی راہ ہموار کی جائے گی ۔انہوں نے مزید کہا کہ یہ بات یقین کیساتھ کہہ سکتا ہوں کہ نیا سال عوام کیلئے خوشیوں کا سال ہوگا۔