اسلام آباد(نیوز ڈیسک)زرداری کے ترجمان فرحت اللہ بابرنے کہا ہے کہ سندھ حکومت رینجرزکےاختیارات محدودکرنےکاآئینی حق رکھتی ہے،وفاقی حکومت نے سمری مستردکرکے سنگین آئینی خلاف ورزی کی۔ایک بیان میں انہوں نے کہا کہ آرٹیکل147کے تحت رینجرزاختیارات پرشرائط عائدکرنا صوبائی حکومت کاحق ہے ، پیپلزپارٹی صوبائی معاملات میں بےجامداخلت کی اجازت نہیں دیگی،اگروفاقی حکومت بازنہ آئی تووفاق کےسیاسی استحکام کودھچکالگے گا۔فرحت اللہ بابر کا کہناتھا کہ پیپلزپارٹی وفاق کوحدسے تجاوزنہیں کرنےدےگی،پارلیمنٹ سمیت تمام فورمزپراس من مانی کےخلاف لڑیں گے،صوبائی خودمختاری کاہرصورت تحفظ کریں گے۔ان کا مزید کہناتھا کہ حکومت سندھ انسداددہشتگردی ایکٹ کاقانون ختم کرنےکی کوشش نہیں کررہی۔