اسلام آباد(نیوزڈیسک)تمام تفصیلات منظر عام پر۔۔۔چوہدری نثار کے جوابی اقدام نے کھلبلی مچادی-وفاقی وزارت داخلہ نے کہاہے کہ سندھ میں رینجرز کے اختیارات میں 60دن کی توسیع کے وفاقی حکومت کے فیصلے پرکسی کوشکایت ہے توعدالت جائے،رینجرز کے 9ارب کے اخراجات وفاقی حکومت برداشت کرتی ہے،سند ھ رینجرز پر9ارب کے سالانہ اخراجات کی تفصیل( آج)بدھ کو جاری کی جائے گی۔منگل کو وفاقی وزارت داخلہ کی جانب سے جاری ایک بیان میں کہاگیاکہسندھ رینجرز پر سالانہ نو ارب کے اخراجات وفاقی حکومت برداشت کرتی ہے۔ ترجمان وزارت داخلہ نے کہاکہ وفاقی وزیر داخلہ نے یہ کہیں نہیں کہا کہ یہ نو ارب سندھ حکومت کو دیے جاتے ہیں ۔بیان کے مطابق سندھ رینجرز پر اٹھنے والے نو ارب سالانہ کے اخراجات کی تفصیل (آج)اخبارات کو جاری کر دی جائے گی ۔ بیان میں کہاگیا کسی کو وزارت داخلہ یا وفاقی حکومت کے کسی فیصلے پر شکایت ابہام یا اختلاف ہے تو وہ عدالت جا سکتا ہے۔