کراچی (نیوز ڈیسک) انسداد دہشتگردی عدالت نے ایم کیو ایم رہنماوں کے نا قابل ضمانت وارنٹ گرفتاری جاری کر دیے۔ کراچی کی انسداد دہشت گردی کی عدالت نے کراچی کے نامزد میئر وسیم اختر کےخلاف ناقابل ضمانت وارنٹ گرفتاری جاری کر دیئے۔ ان کے ساتھ جن دیگر ملزمان کے ناقابل ضمانت وارنٹ گرفتاری جاری کئے گئے ہیں ان میں قائد ایم کیو ایم الطاف حسین، فاروق ستار ، وسیم اختر ، فاروق ستار ، ایم کیوایم رہنمارشیدگوڈیل،لیڈیزونگ کی خوش بخت شجاعت کے بھی ناقابل ضمانت وارنٹ گرفتاری جاری کئے گئے ہیں۔ تفصیلات کے مطابق انسداد دہشتگردی کی عدالت میں ایم کیو ایم رہنما روف صدیقی کے خلاف درج 23 میں سے 9 مقدمات کا چالان پیش کیا گیا جس کو عدالت نے منظور کرتے ہوئے ایم کیو ایم کے قائد الطاف حسین سمیت ایم کیو ایم کے 25 رہنماوں کے ناقابل ضمانت وارنٹ گرفتاری جاری کردیے اور انہیں گرفتار کرکے عدالت میں پیش کرنے کا حکم دیدیا ہے۔ ایم کیو ایم کے دیگر رہنماوں میں ڈاکٹر فاروق ستار، ریحان ہاشمی، قمر منصور، کراچی کے نامزد میئر وسیم اختراور رشید گوڈیل سمیت چار خواتین رہنما بھی شامل ہیں۔روف صدیقی پر الزام تھا کہ انہوں نے الطاف حسین کی اشتعال انگیز تقریر میں سہولت کار کا کردار ادا کیاتھا۔