کراچی (نیوز ڈیسک) نقاب پوش اہل کاروں کا ذوالفقار مرزا اورساتھیوں پر تشدد کا معاملہ، سندھ ہائیکورٹ میں آئی جی سندھ اور دیگر کے خلاف توہین عدالت کیس کی سماعت۔ آئی جی سندھ، سابق ایڈیشنل آئی جی غلام قادر تھیبو سندھ ہائیکورٹ میں پیش، ڈی آئی جی فیصل بشیر میمن، ڈی آئی جی فیروز شاہ ، ایس ایس پی میجر سلیم بھی عدالت میں پیش۔ ڈی آئی جی ساوتھ ڈاکٹر جمیل اور ایس ایس پی چودھری اسد کی غیر موجودگی پر عدالت برہم۔۔ جسٹس احمد علی ایم شیخ نے کہا ہے کہ بصورت دیگر آئی جی سندھ کے خلاف کارروائی ہوگی، آئی جی سندھ اپنے افسران کی حاضری فوری یقینی بنائیں۔ عدالت نے آئی جی سندھ و دیگر فسران پر فرد جرم عائد کر دی۔ جن افسران پر فرد جرم عائد کی گئی ہے ان میں ڈی آئی جی فیصل بشیر میمن، ڈی آئی جی فیروز شاہ ، ایس ایس پی میجر سلیم ، ی آئی جی ساوتھ ڈاکٹر جمیل اور ایس ایس پی چودھری اسد شامل ہیں۔