اسلام آباد(نیوز ڈیسک )ڈی جی رینجرز میجر جنرل بلال اکبر سے کراچی تاجر اتحاد کے صدر عتیق میر کی سربراہی میں تاجروں کے سات رکنی وفد نے ملاقات کی ہے۔ترجمان رینجرز نے بتایا ہے کہ ڈی جی رینجرز نے تاجروں کو بھتہ خوروں کیخلاف کارروائی ، دہشتگردوں کیخلاف آپریشن جاری رہنے کی یقین دہانی کرائی ہے۔ دوسری جانب تاجروں نے جرائم پیشہ افراد اور دہشتگردوں کیخلاف رینجرز کے کردار کی تعریف کی ہے۔ اس موقع پر ڈی جی رینجرز میجر جنرل بلال اکبر نے کہا ہے کہ جرائم پیشہ افراد اور دہشتگردوں کے خلاف آپریشن جاری رہے گا۔