ریاض (آن لائن)سعودی عرب کی بارڈر سکیورٹی فورسزنے ملک کے جنوبی سرحدی شہر جازان میں الحرث کے مقام سے سرحد پار سے دراندازی کرنے کی کوشش کرنے والے 80 یمنی حوثیوں کو ہلاک کردیا ہے۔ غےرملکی خبر رساں ادارے کے مطابق سعودی فورسز نے المغیالہ پوائنٹ سے یمن کی سرحد سے سعودی عرب میں داخل ہونے کی کوشش کے دوران حوثی باغیوں کو فائرنگ کا نشانہ بنایا جس کے نتیجے میں باغی لاشیں چھوڑ کر بھاگ کھٹر ے ہوئے ۔جھڑپوں میں کم سے کم 80 حوثی باغی ہلاک اور متعد زخمی ہوئے ہیں۔ قبل ازیں بدھ کو بھی حوثی باغیوں نے جازان شہر سے سعودی عرب میں داخل ہونے کی کوشش ناکام بنا دیا گیا تھا۔ سعودی فورسز نے الحرث کے پہاڑی علاقے میں حوثی باغیوں کو توپ خانے سے اس وقت نشانہ بنایا جب حوثی ایک گروپ کی شکل میں یمن کے ویران علاقے سے گذر کر سعودی عرب میں داخل ہونےکی کوشش کر رہی تھی ۔