لاہور( این این آئی)خیبر پختوانخواہ حکومت نے گزشتہ سال آرمی پبلک سکول پشاور میں پیش آنے والے سانحہ کی مناسبت سے 16دسمبر کو عام تعطیل کا فیصلہ کیا ہے ۔ایک انٹرویو میں تحریک انصاف کے سربراہ عمران خان نے بتایا کہ صوبائی حکومت اس دن کی مناسبت سے شہداءکے اہل خانہ سے مکمل رابطے میں ہے اوراس دن کو منانے کے حوالے سے ان سے مشاورت کی جارہی ہے۔ انہوں نے کہا کہ شہداءکے ورثاءیونیورسٹی بنانا چاہتے ہیں جس کے لئے اقدام کر رہے ہیں۔ انہوں نے بتایا کہ خیبر پختوانخواہ حکومت نے 16دسمبر کو عام تعطیل کا فیصلہ کیا ہے ۔