اسلام آباد(نیو ز ڈیسک) بھارتی وزیر خارجہ سشما سوراج نے ہارٹ آف ایشیا کانفرنس سے خطاب کرتے ہوئے کہا ہے کہ افغانستان میں جمہوریت قدم جمارہی ہے، افغانستان کو اہم داخلی مسائل کا سامنا ہے۔ انہوں نے کانفرنس سے خطاب کرتے ہوئے کہا ہے کہ حالیہ دنوں میں افغانستان میں دہشت گردی بڑھی ہے، ملک سے دہشتگردی اور انتہا پسندی ختم کرنا افغانستان کی ذمے داری ہے۔ انہوں نے کہا افغانستان کو قبائل کے بجائے دہشتگردی سے خطرہ ہے، دہشتگردی کا بہادری سے مقابلہ کرنے پر افغان عوام کوسیلوٹ کرتے ہیں۔ ان کا کہنا تھا کہ علاقائی ممالک کو سیاسی پختگی کا مظاہرہ کرنا ہوگا، افغانستان میں دہشتگردی کا خاتمہ ہم سب کی مشترکہ ذمے داری ہے۔ سشما سوراج نے کہا کہ علاقائی تجارت کے فروغ کے لیے کام کررہے ہیں ، بھارت افغانستان کی مصنوعات کی ترسیل کیلئے کردار ادا کررہا ہے۔ بھارت افغانستان میں امن و استحکام میں تعاون کے لیے تیار ہے۔ انہوں نے کہا اقتصادی ترقی کے علاوہ افغانستان میں امن کا کوئی راستہ نہیں۔ افغانستان کے ساتھ تجارت کیلئے اقدامات کرنا ہوں گے۔ افغانستان کے ساتھ تعلقات انتہائی اہم ہیں۔ انہوں نے کہا 2016 میں ہارٹ آف ایشیا کانفرنس بھارت میں ہو گی اور اس کا خیر مقدم کریں گے۔انہوں نے کہا بھارتی وزیراعظم اگلے سال سارک سربراہ کانفرنس میں شرکت کیلئے پاکستان آئینگے ۔جنگ کے رپورٹر صالح ظفرکے مطابق مودی سارک ممالک کے سربراہ کانفرنس میں شرکت کرینگے، اور میں بھی ساتھ ہونگی،گرمی جوشی کو بڑھانے کیلئے اسلام آباد آئی ہوں ۔بھارتی وزیراعظم پاکستان آئینگے ، نریندر مودی اگلے سال پاکستان آئینگے ۔سشما سوراج کی گفتگو۔