کراچی(نیوزڈیسک)بلدیاتی انتخابات کا معرکہ سر کرنے کے بعد وسیم اختر،ریحان ہاشمی، یا ارشد وہرہ میں سے کون بنے گا کراچی کا میئر،اس بات کا فیصلہ ایم کیوایم کی رابطہ کمیٹی کرے گی۔سابق مشیرداخلہ سندھ 60سالہ وسیم اختر 2008کے الیکشن میں حلقہ این اے 245 سے منتخب ہوئے۔ پی ایس 115 سے منتخب ہونے والے 41 سالہ ریحان ہاشمی اور 57 سالہ ارشد وہرہ بھی میئر کی دوڑمیں شامل ہیں ۔ایم کیوایم کے یہ تینوں رہنمابلدیاتی الیکشن کے تیسرے اور آخری مرحلے میں یونین کونسل کے چیئرمین منتخب ہوئے ہیں۔ایم کیوایم ذرائع کے مطابق ان تینوں میں سے اپنا میئر کون ہوگا، اس بات کا فیصلہ رابطہ کمیٹی کرے گی۔ ذرائع کا کہنا ہے کہ کراچی کی میئر شپ کیلئے ان تینوں کے علاوہ کسی غیر متوقع نام کا اعلان بھی کیا جا سکتا ہے۔