راولپنڈی(این این آئی)راولپنڈی کے بلدیاتی انتخابات میں عوامی مسلم لیگ کے سربراہ شیخ رشید نے شکست کی بھڑاس عوام پر نکالتے ہوئے کہاہے کہ قوم کو تب سمجھ آئے گی جب ایک ایک چیز بک جائے گی ایک انٹرویو میں انہوںنے کہاکہ جب تک ملک کو قبضہ گروپ سے نہیں چھڑا لیتے ہار نہیں مانیں گے۔ آمر کے دور میں ملک 6 ہزار ارب کا مقروض تھا اور اب 30 ہزار ارب کا مقروض ہے۔ انہوں نے کہا کہ قوم کو تب سمجھ آئے گی جب ایک ایک چیز بک جائے گی۔عوامی مسلم لیگ کے سربراہ شیخ رشید نے کہا کہ امید تھی راول ٹاﺅن سے 13 سے 16 نشستیں جیتیں گے مگر ایسا نہیں ہوا کیونکہ نتائج ہماری توقع کے مطابق نہیں آئے۔ انہوںنے کہاکہ شہر میں شکست تسلیم کرتے ہیں مگر عوام کی خدمت جاری رکھیں گے۔