نئی دہلی (نیوزڈیسک)بھارتی وزیرخارجہ سشما سوراج کا آئندہ ہفتے دورہ پاکستان کا امکان ہے جس میں وہ افغانستان کے بارے میں ایک کانفرنس میں شرکت کرینگی ۔بدھ کوبھارتی میڈیا کے مطابق یہ پروگرام بھارتی وزیر اعظم نریندر مودی کی پاکستانی ہم منصب نواز شریف سے پیرس میں ملاقات کے بعد سامنے آیا ہے جس میں دونوں رہنماﺅں نے گرمجوشی سے مصافحہ کیا اور کچھ دیر بات چیت کی تھی تاہم اس بات چیت کی تفصیلات سامنے نہیں آ سکیں اور دونوں ممالک کے حکام نے اسے خیر سگالی ملاقات قرار دیا ہے دونوں وزرائے اعظم کی پچھلی باقاعدہ ملاقات جولائی میں روس کے شہر اوفا میں شنگھائی تعاون تنظیم کے سربراہ اجلاس کے موقع پر ہوئی تھی جس میں انہوںنے قومی سلامتی مشیروں کی ملاقات پر اتفاق کیا تاہم بعد میں بھارت کی طرف سے مختلف شرائط عائد کئے جانے کے باعث یہ بےل منڈھے نہ چڑھ کر سکی ۔