اسلام آباد(نیوز ڈیسک) کراچی میں ملٹری پولیس کو نشانے بنانے والے ملزموں کی گرفتاری کیلئے رینجرز نے 25لاکھ انعام کا اعلان کردیا۔ رینجرز حکام نے کہا ہے کہ کوئی بھی ملزمان سے متعلق معلومات فراہم کر کے ان تک رسائی کا ذریعہ بنے گا اسے 25 لاکھ انعام دیا جائے گا۔شہری رینجرز کی ہیلپ لائن 1101 پر کال یا ایس ایم ایس کر سکتے ہیں۔پتہ دینے والے کا نام صیغہ راز میں رکھا جائے گا،یاد رہے کہ گزشتہ روز کراچی میں تبت سنٹر کے قریب نامعلوم افراد کی فائرنگ سے ملٹری پولیس کے 2اہلکار شہید ہوگئے تھے۔