اسلام آباد(نیوز ڈیسک )اسلام آبادمیں ایک گھر ایسا بھی ہے جہاں 28ووٹ درج ہیں حالانکہ اس گھر میں صرف دو میاں بیوی رہتے ہیں۔مالک مکان نے یہ معاملہ اٹھاتے ہوئے نجی ٹی وی سے رابطہ کیا کہ جس پر تحقیقات کی گئیں تو یہ بات یقینی ہو گئی کہ اس پتہ پر 28ووٹوں کا اندراج ہے۔یو سی ا کتیس جی سیون ٹو میں واقع اس گھر کے مالک کا کہنا ہے کہ وہ نہیں جانتے کہ دیگر 26لوگ کون ہیں کیونکہ وہ گزشتہ 30سال سے یہاں مقیم ہیں۔دو افراد کے گھر میں 28ووٹوں کا اندراج غلطی ہے یا دھاندلی اس کا جواب شاید الیکشن کمیشن ہی دے سکتا ہے۔