حافظ آباد (آئی این پی) وزیر مملکت سائر ہ افضل تارڑ کے والد افضل تارڑ (ن) لیگ کی ٹکٹ پر چیئرمین کی سیٹ پر دوبارہ گنتی میں 121ووٹوں سے کامیاب ہو گئے۔ تفصیلات کے مطابق بلدیاتی انتخابات کے دوسرے مرحلے میں ن لیگ کے رہنما افضل تارڑ کو یونین کونسل نمبر 8کولوتارڑ میں پی ٹی آئی کے امیدوار مامون جعفر تارڑ نے 36ووٹوں سے شکست دی تھی جس کے باعث ن لیگ کو بڑے اپ سیٹ کا سامنا کرنا پڑا تھا لیکن افضل تارڑ نے دوبارہ گنتی کی درخواست کی اور معمولی فرق سے ہارنے والے افضل تارڑ دوبارہ گنتی میں 121ووٹ زائد لے کر چیئرمین کی نشست پر کامیاب ہو گئے ہیں۔