کراچی(نیوزڈیسک) پیپلز پارٹی کے چیئر مین بلاول بھٹو زرداری مخدوم امین فہیم کے انتقال سے خالی ہونے والی قومی اسمبلی کی نشست پر ہالا سے الیکشن لڑیں گے۔ذرائع کے مطابق مخدوم امین فہیم نے خود بھی اپنے انتقال سے قبل اس خواہش کا اظہار کیا تھا چنانچہ بلاول بھٹو زرداری اپنی پارلیمانی سیاست کا آغاز ہالا سے کرینگے قریبی ذرائع کے مطابق مرحوم نے اس قسم کی وصیت بھی کی تھی ۔ تاہم دوسری طرف سروری جماعت کے رہنما و مریدین ہالا کی اس نشست کوسر ور ی جماعت کا حق تصور کرتے ہیں ۔اب دیکھنا یہ ہے کہ مخدوم خاندان اور سروری جماعت کے نئے سربراہ و گدی نشین مخدوم جمیل الزماں اس سلسلے میں کیا فیصلہ کرتے ہیں ۔ذرائع کا یہ بھی کہنا ہے کہ زیادہ تر رائے بلاول بھٹو زرداری کے حق میں جاتی نظر آرہی ہے ۔ البتہ اس سلسلے میںابھی تک مخدوم خاندان کی طرف سے کسی قسم کی وصیت کے بارے میں انکشاف نہیں کیا گیا