اسلام آباد(نیوز ڈیسک) وفاقی وزیر اطلاعات و نشریات پرویز رشید نے کہا ہے کہ دہشت گردی کے خلاف اقدامات کے باعث پاکستان 2013 سے زیادہ محفوظ ہے، وزیراعظم نے دہشت گردی کا معاملہ ایجنڈے پر سرفہرست رکھا۔ تفصیلات کے مطابق پرویز رشید نے کہا کہ ضرب عضب اور کراچی آپریشن پر قومی اتفاق رائے حاصل کیا گیا اور ضرب عضب نے دہشت گردی کے خلاف بڑی کامیابیاں حاصل کیں۔ پرویز رشید نے کہا کہ صحافیوں کی حفاظت کیلئے تمام ضروری اقدامات کر رہے ہیں اور تمام میڈیا ہاوسز کو سیکیورٹی دینے کیلئے اقدامات کئے گئے ہیں۔