اسلام آباد(نیوزڈیسک) وزیراعظم نواز شریف کا کہنا ہے کہ دہشت گردی کے خلاف جاری آپریشن ضرب عضب منطقی انجام تک پہنچانے تک جاری رہے گا۔ وزیراعظم نواز شریف سے ایئرچیف مارشل سہیل امان نے ملاقات کی۔ اس موقع پر پاک فضائیہ کے پیشہ وارانہ امور کا جائزہ لیا گیا جب کہ وزیراعظم نے دہشت گردی کے خاتمے میں پاک فضائیہ کے کردار کو سراہا۔ وزیراعظم نواز شریف کا کہنا تھا کہ پاک فضائیہ کے جوانوں نے پیشہ وارانہ قابلیت کے اعلی معیار قائم کئے ہیں جس کی بدولت ملک کے کونے کونے سے دہشت گردی کو جڑ سے اکھاڑ پھینکیں گے اور پاکستان میں عدم برداشت اور دہشت گردی کے لئے کوئی جگہ نہیں۔