لندن ( آئی این پی ) پاکستان تحریک انصاف کے چیئرمین عمران خان کی سابق اہلیہ ریحام خان نے کہا ہے کہ تبدیلی کا مطالبہ کرنے والے پہلے اپنے کردار میں تبدیلی لائیں ، سوشل میڈیا کو بداخلاقی کی بجائے ترقی کےلئے استعمال کیا جائے ، پاکستانی خواتین کسمپرسی کی زندگی گزار رہی ہیں ، بے نظیر وزیراعظم بننے کے باوجود خواتین کو مضبوط نہ بنا سکیں ، پاکستان کے سیاسی اور سماجی میدانوں میں انقلابی تبدیلیوں کی ضرورت ہے ، موجودہ نظام نے صرف مخصوص طبقے کو نوازا ہے ، اعلیٰ تعلیم یافتہ نوجوانوں کو عملی طور پر میدان میںآنا چاہیے ۔ وہ اتوار کو آکسفورڈ یونیورسٹی میں زیر تعلیم پاکستانی طلباءسے خطاب کررہی تھیں ۔ انہوں نے کہا کہ پاکستان میں سیاسی اور سماجی میدانوں میں انقلابی تبدیلیوں کی سخت ضرورت ہے ۔ پاکستانی نوجوان انتہائی اعلیٰ صلاحیتوں کے مالک ہیں ۔ موجودہ نظام نے صرف ایک مخصوص طبقے کو نوازا ہے ۔ ایسے نظام کو پاکستانی نوجوان ہی بدل سکتے ہیں ۔ یہی نوجوان ملک کے روشن مستقبل کی ضمانت ہیں ۔ انہوں نے کہا کہ جمہوریت کے فوائد عام لوگوں تک پہنچانے کےلئے نوجوانوں کو کردار ادا کرنا ہوگا ۔ اعلیٰ تعلیم یافتہ نوجوان عملی طور پر میدان میں آئیں اور علم و تحقیق کے ثمرات دور دراز علاقوں تک پہنچائیں ۔رےحام خان نے کہاکہ تبدیلی کا مطالبہ کرنے والے پہلے اپنے کردار میں تبدیلی لائیں ، پاکستانی خواتین کسمپرسی کی زندگی گزار رہی ہیں ، بے نظیر وزیراعظم بننے کے باوجود خواتین کو مضبوط نہ بنا سکیں ، سوشل میڈیا کو بداخلاقی کی بجائے ترقی کےلئے استعمال کیا جائے ۔
مزید پڑھئے:ڈاکٹر عامر لیاقت نے ریحام خان کو انوکھی نصیحت کر دی
دیکھئے طالبات کا پاک آرمی کے ساتھ گزارہ گیا ایک دلکش اور یادگار دن
