اسلام آباد(نیوز ڈیسک)دفتر خارجہ نے بنگلہ دیش میں معمر بنگالی سیاسی ر ہنماﺅں کی پھانسی پر شدید دکھ اور تشویش کا اظہار کرتے ہوئے ماضی کو بھول کر آگے بڑھنے کی ضرورت پر زور دیا ہے۔ترجمان دفتر خارجہ کی طرف سے جاری ایک بیان میں کہا گیا ہے کہ بنگلہ دیش میں نیشنل پارٹی کے معمر قائدین صلاح الدین قادر چوہدری اور علی احسن مجاہد کی پھانسی پاکستان کیلئے پریشان کن ہیں۔انیس سو اکتر کے بعد نہ صرف پاکستان بلکہ عالمی برادری بھی بنگلہ دیش میں معمر سیاسی ر ہنماﺅں کے ناقص مقدمات کا نوٹس لے رہی ہے۔بنگلہ دیش میں انیس چوہتر کے پاک،بھارت بنگلہ دیش معاہدے کے تحت مصالحت کی ضرورت ہے۔ یہ معاہدہ ماضی کو بھلا کر آگے بڑھنے کی ضرورت پر زور دیتا ہے۔