واشنگٹن (نیوزڈیسک)چیف آف آرمی سٹاف جنرل راحیل شریف نے کہا ہے کہ ہمسایہ ممالک سے عزت اور وقار کے ساتھ دو ستانہ تعلقات چاہتے ہیں ۔آرمی چیف نے پاکستانی سفارتخانے میں پاکستانی کمیونٹی سے خطاب کیا جہاں پیشہ ور افراد ،دانشور اور ممتاز پاکستانی امریکن باشندے موجود تھے ۔اس موقع پر راحیل شریف نے کہا کہ ملاقاتوں میں پاکستان اور امریکہ نے اپنے مشترکہ مفادات کو لاحق خطرات پر تبادلہ خیال کیا ۔انہوں نے کہا کہ پاک فوج دہشت گردی کے خلاف جنگ کو منطقی انجام تک پہنچائے گی اور شہدا کی قربانیوں کو رائیگاں نہیں جانیں دیں گے۔ آرمی چیف نے ملکی سلامتی کے لیے پاک فوج کے غیر متزلزل عزم کا اظہار کرتے ہوئے کہا کہ پاکستانی فوج اندرونی اور بیرونی خطرات سے نمٹنے کے لیے پر عزم ہے ۔