اسلام آباد (نیوز ڈیسک )خواجہ سعد رفیق نے سپریم کورٹ میں زیر سماعت اپیل میں اپنے حلقہ انتخاب این اے 125 میں ووٹوں کی دوبارہ گنتی پر آمادگی ظاہر کردی‘ پی ٹی آئی رہنما حامد خان نے ووٹوں کی دوبارہ گنتی کے آپشن کو مسترد کردیا۔ تفصیلات کے مطابق جمعرات کو سپریم کورٹ میں وزیر ریلوے خواجہ سعد رفیق کی الیکشن ٹریبونل کے فیصلے کے خلاف اپیل پر سماعت ہوئی۔ خواجہ سعد رفیق کی طرف سے ووٹوں کی دوبارہ گنتی پر آمادگی ظاہر کردی گئی تاہم ان کے مخالف پی ٹی آئی کے این اے 125سے امیدوار حامد خان نے دوبارہ گنتی کے آپشن کو مسترد کرتے ہوئے کہا کہ ہم میرٹ پر کیس کو آگے بڑھانا چاہتے ہیں۔