پیرس(نیوزڈیسک) فرانس کے دارالحکومت پیرس میں پولیس کے سرچ آپریشن کے دوران فائرنگ کے تبادلے اور بم دھماکوں میں مبینہ خودکش بمبار خاتون سمیت 3 افراد مارے گئے , متعدد پولیس اہلکار زخمی ہوگئے۔غیر ملکی میڈیا کے مطابق فرانسیسی پولیس شمالی پیرس کے علاقے سینٹ ڈینس میں سرچ آپریشن کر رہی تھی جہاں جمعے کو ہونے والے حملوں کے مبینہ ماسٹر مائنڈ عبدالحامد اباعود کی موجودگی کی اطلاعات ملیں آپریشن کے دوران دہشت گردوں کی جانب سے پولیس پر فائرنگ شروع ہوگئی , متعدد بم دھماکے بھی ہوئے،پولیس کی جوابی فائرنگ میں 2 حملہ آور ہلاک , ایک خاتون نے اپنے آپ کو بارودی مواد سے اڑا لیا اس دوران متعدد پولیس اہلکار زخمی ہوئے ہیں جنہیں طبی امداد کےلئے ہسپتال منتقل کیا گیا فرانسیسی میڈیا کے مطابق آپریشن میں فوجی دستوں نے بھی حصہ لیااور اطراف کے علاقے کو گھیرے میں لے کر ناکہ بندی کی گئی دوسری جانب غیر ملکی میڈیا نے اپنی رپورٹ میں کہا کہ آپریشن کے دور ان پیرس حملوں کا ماسٹر مائنڈ ماراگیا ہے واضح رہے کہ جمعے کو پیرس کے مختلف مقامات پر خود کش حملوں اور فائرنگ کے نتیجے میں 132 زائد افراد ہلاک اور 300 سے زائد زخمی ہوئے تھے، جس کی ذمہ داری عراق اور شام میں سرگرم شدت پسند تنظیم داعش نے قبول کی تھی۔ حملوں کے بعد سے فرانس میں سیکیورٹی سخت کردی گئی