کراچی(نیوزڈیسک)بلدیاتی انتخابات کے دوران سندھ حکومت نے اہم فیصلہ کرتے ہوئے وزیر بلدیات ناصرحسین شاہ سے قلمدان واپس لے لیا ہے۔وہ بے محکمہ وزیررہیں گے۔سندھ حکومت نے منگل اور بدھ کی درمیانی شب اچانک سرکاری افسران کو بلوا کر ناصر حسین نے وزیر بلدیات کا قلمدان واپس لینے کا نوٹیفکیشن جاری کروادیا۔ محکمہ سروسزاینڈجنرل ایڈمنسٹریشن کی جانب سے جاری نوٹیفیکیشن کے مطابق ناصر حسین شاہ بے محکمہ وزیر رہیں گے جب کہ وزیر بلدیات کا قلمدان وزیر اعلی سندھ سید قائم علی شاہ کے پاس رہے گا۔دوسری جانب ذرائع کا کہنا ہے کہ پیپلز پارٹی کی اعلی قیادت وزیربلدیات ناصر حسین شاہ سے ناراض تھی اس لئے ان سے قلمدان واپس لیا گیا۔ ذرائع کا کہنا ہے کہ پیپلز پارٹی کی قیادت کو ناصر شاہ اور ان کے بیٹوں سے متعلق پارٹی کو شکایات موصول ہو رہی تھیں۔ واضح رہے کہ ناصر حسین شاہ کو 23 جولائی 2015 کو محکمہ بلدیات کا قلم دان سونپا گیا تھا۔