اسلام آباد(نیوز ڈیسک) پاکستان کی عدالت عظمیٰ یعنی سپریم کورٹ نے حکمران جماعت مسلم لیگ ن کے رکن اسمبلی عابد رضا کے ناقابل ضمانت وارنٹ گرفتاری جاری کردیے ۔واضح رہے کہ این اے 107 ضلع سے ن لیگ کے ٹکٹ پر رکن قومی اسمبلی منتخب ہونیوالے عابد رضا پر افراد چھ کے قتل کامقدمہ درج تھا ۔ انسداد دہشتگردی کی ایک عدالت نے فریقین سے صلح کے بعد انہیں قتل کے مقدمے سے بری کردیاتھا۔سپریم کورٹ نے ماتحت عدالت کی جانب سے انسداد دہشتگردی ایکٹ کو نظر انداز کیسے جانے پر از خود نوٹس لیتے ہوئے ملزم کو عدالت میں پیش ہونے کا حکم جاری کیاتھا۔ ملزم کی عدم پیشی پرسپریم کورٹ نے بدھ کو ان کے ناقابل ضمانت وارنٹ جاری کرتے ہوئے ان کی گرفتاری کے احکامات جاری کیے ۔ علاوہ ازیں قتل کے مقدمے میں ملوث ہونے پر مخالف امید وار چوہدری الیاس نے سپریم کورٹ میں رکن اسمبلی کیلئے ان کی اہلیت کو بھی سپریم کورٹ میں چیلنج کررکھاہے ۔